قبل ما صوابع الحاج رضوان تلمس الورقة، هجمت عليها وخطفتها من قدامه وخطفت التليفون.. الحاج رضوان بصلي بغضب وقال: «هاتي هنا يا دينا! متخليش الغضب يعميكي.. هاتي الورقة دي بالذوق بدل ما نقلب على الوش التاني!

»حطيت الورقة في حضني، ورفعت راسي وقولتله بعين جامدة زي الصخر: «الورقة دي روحي.. والتليفون ده هو القيد اللي رابط رقابكم كلكم.. شقتكم التمليك متهمنيش، وعيلتكم دي كلها متلزمنيش بقشرة بصلة.. أنا ابني في المستشفى لوحده، والدكتور مستنيني بالتقرير..

وأنا مش هسيب حق ضنايا يضيع في قعدة مصاطب عشان ترضوا كبريائكم!»جريت على باب الشقة قبل ما حد يلحق يستوعب حركتي.. حمايا زعق: «امسكوها! متخلوهاش تخرج بالورقة دي يا طارق!»طارق ساب مراته ولف عشان يجري ورايا، بس أنا كنت أسرع منهم كلهم..

الأكثر قراءة الان

حكايات زهره الربيع 1منذ شهرثلاث شهور حكايات رومانى مكرم 1منذ شهرمن وقت ما اتجوزت حكايات رومانى مكرم 1منذ شهر

فتحت الباب وطلعت أجري على السلم، السلالم كانت بتلف بيا، ورجلي اللي بتنزف كانت بتسيب نقط دم على الدرج، بس مكنتش حاسة بأي ألم.. كان في ودني صوت عياط يوسف لما كان بيقطع النفس، وكان في قلبي نار تكفي تحرق بلد.

نزلت الشارع، كانت الشمس بدأت تغيب وسواد الليل نزل على الحارة.. وقفت في نص الشارع بتلفت حواليا أدور على وسيلة مواصلات، وفجأة لقيت عربية سودا قديمة وقفت قدامي فجأة ونزل منها راجلين شكلهم يخوف.

. ومن ورايا على باب العمارة كان طارق والحاج رضوان بيصرخوا بصوت عالي: «هاتوهاااا! متخلوهاش تركب حاجة!»الراجلين اللي نزلوا من العربية بصوا ليا، وبصوا للحاج رضوان اللي كان بيشاورلهم بعكازه.. وفي ثانية لقيت إيد خشنة اترفعت وشدتني من كتفي بقوة، وصوت من ورا ضهري بيقول بفحيح: «ارمي الورقة دي يا بت.

. بدل ما ندفنك أنتي وابنك في يوم واحد ومحدش هيعرف لك طريق!»