ومين اللي هيسدد القرض ده يا ابن الناس؟ أمك بتقول لي بعظمة لسانها إن سعيد مش هيدفع جنيه، وإن دي مجرد مساعده مني ليه!"هنا جوزي اتوتر شوية، بس كبرياءه وعصبيته عمت قلبه، وقال لي بصوت عالي: "أمي قالت كده عشان أنتي بنت أصول، وعارفة إننا عيلة واحدة وما فيش فرق بيننا!
وبعدين سعيد لما أموره تتضبط هيبدأ يدفع، لكن أنتي دلوقتي لازم تعملي القرض ده ورجلك فوق رقبتك، سعيد خطوبته كمان أسبوع والناس مستنيين باقي الذهب والاتفاقات، ومش هسمح لك تكسري كلمتي قدام أمي وأخويا أو تبوظي فرحة أخويا!"في اللحظة دي، سمعنا خبط جامد على باب الشقة.
فتح جوزي، ولقيت حماتي وسلفي سعيد واقفين على الباب. دخل سلفي وهو بيبصلي بحدة وقلة احترام وقال: "إيه يا مرات أخويا؟ هي الكام مليم بتوع وظيفتك خلوا دماغك تكبر علينا؟ إحنا طول عمرنا إيد واحدة، ولا أنتي فاكرة لما تتجوزي من عيلتنا وتبقي موظفة خلاص بقيتي فوقنا؟
القرض ده هيتعمل يعني هيتعمل، وأنا مش مستني منك حسنة، دي أصول البيت اللي أنتي عايشة فيه!"حماتي كملت على كلامه ببرود تام وابتسامة خبيثة وقالت: "يا ثناء يا حبيبتي، بلاش تقفي في طريق سعادة أخو جوزك.
جوزك موافق، ولو رفضتي تعملي القرض بكرة وتجيبي الأوراق، جوزك هيتصرف تصرف تاني مش هيعجبك.. والبيت ده مابيقعدش فيه اللي ينشق عن طوعنا ويمشي عكس كلامنا، لو مش عاجبك عيشتنا والأصول بتاعتنا، باب الشقة يساهم جمل، وبنتك تقعد معانا هنا!
"الصدمة كانت أكبر من قدرتي على الاستيعاب؛ جوزي واقف ساكت، وموافق على تهديد أمه وأخوه ليا، ومستعد يرميني في الشارع وياخد مني بنتي، بس عشان يجامل أخوه وعروسته الجديدة اللي حطت الجزمة في وشهم ومن أفرط ما اشترطت وافقوا لها على كل حاجة، وجايين يكسروا نفسي أنا اللي خدمتهم بدم قلبي خمس سنين.
وقفت وسطهم وأنا حاسة إن الدنيا بتدور بيا، ودموعي حابساها في عيني بصعوبة، ورفعت رأسي وقولت...رفعت رأسي وقولت بصوت طالع بالعافية من كثر القهرة: "يعني بالبساطة دي؟ خمس سنين خدمة وتعب ومراعاة ربنا فيكم، وفي الآخر تهددوني ببنتي وترموني في الشارع عشان قرض بـ ٢٠٠ ألف جنيه لسعادتك ومجلس أمه؟
تمام يا أحمد.. الكلام معاك أنت مش مع أمك ولا أخوك."بصيت لجوزي وأنا كلي حسرة وقولت له: "أنت راضي عن الكلام ده؟
راضي إن أمك تهددني بأعز ما أملك، وأخوك يرفع صوته عليا في بيتك، وكل ده عشان أتسحل في قرض لخمس سنين جاية يقطع من مرتب شغلتي وحياتي؟ رد عليا.. موافق إني أترمي بره وبنتي تتاخد مني لو ما وقعش على ورقة القرض بكرة؟
"أحمد حط إيده في جيبه وبص للارض شوية، وبعدين رفع عينه وقال بقسوة ما شوفتهاش منه قبل كده: "أمي كلامها صح يا ثناء.. اللي يبخل على العيلة بوظفته وقت شدتها، يبقي مالوش مكان وسطنا.
القرض هيتعمل بكرة، وأنا اللي هروح معاكي الشهر العقاري والبنك أخلص الإجراءات بنفسي، ولو رفضتي.. يبقي إنتي اللي اخترتي تخربي بيتك وتسيبي بنتك، والباب قدامك مفتوح."سلفي سعيد ابتسم ابتسامة شتيمة وشماتة، وحماتي طبطبت على كتاف ابنها وقالت: "جدع يا أحمد.
. هو ده راجل البيت." ولفوا الثلاثة ونزلوا، وسابوني واقفة في نص الصالة لوحدي، جسمي كله بيترعش ودموعي نازلة زي المطر. قعدت على الأرض ومش مصدقة. الخيانة جاية من الشخص اللي افتكرته هيدافع عني، واللي بقالي خمس سنين متحملة علشانه وبخدم أهله وساكتة على القرض الأولاني اللي باسمه والستات بتخدمهم ببلاش.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.